خانقاہ ڈوگراں (نامہ نگار) لاہور روڈ پر نامعلوم ڈمپر کی ٹکر سے سڑک کنارے گاڑی کا ٹائر بدلنے والے ڈرائیور اورکنڈکٹر موقع پر جاں بحق ہو گئے۔ ٹکر مارنے والا نامعلوم ڈرائیور ڈمپر سمیت فرار ہو گیا۔ پولیس نے نعشیں قبضے میں لیکر تفتیش شروع کر دی۔ خانقاہ ڈوگراں میں سیالکوٹ کے ڈمپر ڈرائیور اور کنڈکٹر نجی کمپنی کے موٹر سائیکل لوڈ کر کے جا رہے تھے کہ لاہور روڈ کے نزدیک انکی گاڑی کا ٹائر پھٹ گیا جسے تبدیل کرنے کے لئے انہوں نے گاڑی سڑک کنارے کھڑی کر دی اور ٹائر تبدیل کر رہے تھے کہ پیچھے سے ایک نامعلوم ڈمپر انہیں کچلتا ہوا فرار ہو گیا۔ جس سے دونوں افراد تنویر سجاد اور اویس یاسین موقع پر ہی جاں بحق ہو گئے۔ دونوں افراد کا تعلق سیالکوٹ کی تحصیل ڈسکہ سے ہے۔ پولیس نے موقع پر پہنچ کر نعشیں قبضے میں لے کر ڈمپر کی تلاش شروع کر دی ہے۔