کویت سٹی (عبدالشکور ابی حسن سے) پی آئی اے کے بعد اب شاہین ائیر لائنز کی سروس بھی کویت کے لئے بند کر دی گئی۔ ذرائع کے مطابق قومی و نجی ائیر لائنز خسارے میں جارہی تھیں جس کی بنا پر اسے بند کیا گیا ہے لیکن حیرانگی والی ہے اگر ائیر لائنز خسارے میں ہے اور پی آئی اے کا عملہ اور آفس ابھی تک موجود ہے جس کے لئے پی آئی اے لاکھوں روپے اپنے عملے پر صرف کر رہی ہے۔ جبکہ شاہین ائیر لائنز کے ذرائع نے وقت نیوز کو بتایا کہ آپریشن کی وجہ سے فی الحال پروازوں منسوخ کیا گیا ہے جن مسافروں نے شاہین ائیر لائنز کی ٹکٹیں خریدی تھیں ان کو متبادل ائیر لائنز پر روانہ کیا جا رہا ہے ان پر اٹھنے والے اخراجات بھی شاہین ائیر لائنز ادا کر رہی ہے ہمارے مسافر اپنے وطن میں جا کر اپنے بچوں کے ساتھ عید کی خوشیاں دوبالا کر سکیں۔