لاہور(سپورٹس رپورٹر) بیڈمنٹن کے نئے ٹیلنٹ کی تلاش کے لئے لاہور میں نوجوان کھلاڑیوں کا تربیتی کیمپ عید کی چھٹیوں کے بعد 20 جون کو دوبارہ شروع ہوگا۔ پاکستان کے سینئر بیڈمنٹن کوچ لیاقت علی کے مطابق کیمپ میں ایسے بچوں کو تربیت دی جا رہی ہے کہ وہ بیڈمنٹن میں پاکستان کا نام روشن کر سکتے ہیں انہیں کیمپ میں تربیت دی جا رہی ہے۔ ان کا کہنا تھا کہ نیوخان بیڈمنٹن ہال میں شروع ہونے والے کیمپ میں شرکت کے لئے کوئی پابندی نہیں ہے۔ کھلاڑیوں کو صبح آٹھ بجے سے رات نو بجے تک مختلف گروپس میں تربیت دی جائے گی۔ ایسے بچے جو اعلیٰ کارکردگی دکھائیں گے انہیں پاکستان بیڈمنٹن فیڈریشن کو ریفر کیا جائے گا۔ میٹرک کے امتحانات سے فارغ بچوں کے لئے بہترین موقع ہے کہ وہ اپنی قیمتی وقت سے فائدہ اٹھائیں تاکہ مستقبل میں انہیں اچھے کالجز میں آسانی سے داخلہ مل جائے۔ والدین سے درخواست ہے کہ اپنے بچوں کو سپورٹس میں لائیں اور ملک کا نام روشن کرنے میں اپنا کردار ادا کریں۔