لاہور(سپورٹس رپورٹر) پاکستان ہاکی ٹیم کے کھلاڑیوں نے ہالینڈ میں عید منائی۔ کھلاڑیوں نے ٹیم مینجر حسن سردار کے ہمراہ نیدر لینڈ کی مقامی مسجد میں جا کر عید کی نماز پڑھی۔ مقامی مسجد میں نماز عید کے موقع پر وہاں رہنے والی پاکستانی فیملیز نے قومی کھلاڑیوں کے ساتھ تصاویر بھی بنوائیں۔ واضح رہے کہ پاکستان ہاکی ٹیم چیمپئنز ٹرافی ہاکی ٹورنامنٹ کے آخری ایڈیشن میں شرکت کے لیے گزشتہ دو ہفتے سے یورپ میں موجود ہے۔ جہاں اس نے آسٹریا کے خلاف پریکٹس میچ بھی کھیلا تھا جو ایک ایک گول سے برابر رہا تھا۔ چیمپئنز ٹرافی ہاکی ٹورنامنٹ 23 جون سے 2 جولائی تک کھیلا جائیگا۔