جوہانسبرگ (سپورٹس ڈیسک) جنوبی افریقہ کرکٹ بورڈ نے سری لنکا کیخلاف ون ڈے سیریز کیلئے 15 رکنی سکواڈ کا اعلان کر دیا ہے۔جنوبی افریقہ کی ٹیم جولائی میں سری لنکا جائے گی جہاں دونوں ٹیموں کے درمیان ٹیسٹ، ون ڈے اور ٹی 20 سیریز کھیلی جائے گی۔ون ڈے سیریز کا آغاز 29 جولائی سے ہو گا جس میں جنوبی افریقی ٹیم کی قیادت فاف ڈوپلیسی کریں گے جبکہ ہاشم آملہ اور جے پی ڈومنی جیسے سینئر کھلاڑیوں کو بھی شامل کیا گیا ہے۔جنوبی افریقہ کے اعلان کے مطابق ٹیم کے کپتان فاف ڈوپلیسی ہیں جبکہ دیگر کھلاڑیوں میں ہاشم آملہ، جونیئر دلا،کوینٹن ڈی کوک، جے پی ڈومنی، ریزا ہینڈرکس، ہینرک کلاسن، کیشو مہاراج، ایڈن مارکرم، ڈیوڈ ملر، ویان ملڈر، لونگی سانی انگیڈی، اینڈل فیہلوک وائیو، کاگیسو ربادا اور تبریز شمسی شامل ہیں۔