لاہور(سپورٹس ڈیسک)جرمن فٹ بال ٹیم کے گول کیپر مینوئل نیوئر نے کہا ہے کہ ٹیم میں کھلاڑیوں کو تبدیل نہ کیا جائے بلکہ اپنا رویہ تبدیل کرنے کی ضرورت ہے ۔ ہر میچ فائنل کی طرح ہے ‘کھلاڑیوں کو مطمئن کیا ہے کہ ہم بہت کچھ کر سکتے ہیں ۔ ہم شکست کے بعد پریشان اور مایوس ہو گئے تھے ۔ میرے خیال میں کھلاڑی میدان میں کارکردگی دکھا سکتے ہیں ‘انکو ذمہ داری لینی چاہئے ‘سو فیصد بہترین کھیل کا مظاہرہ کرنا ہوگا۔ ذاتی طور پر کھلاڑیوں کو تبدیل نہ کیا جائے ۔ ہمیں ہر صور ت کھیل میں تبدیلی لانی پڑے گی ۔ دیکھنا ہوگا ماضی میں ہم کیسی مضبو ط ٹیم ہوئے‘اب ہمیں دکھا نا ہے کہ کیا کچھ کر سکتے ہیں ۔ وہ حکمت عملی تیار کرنا ہو گی جس سے کھیل میں بہتری آئے ۔ شائقین دیکھیں گے کہ ہم سویڈن کے خلاف مختلف نظر آئیں گے ۔ یہ کوئی آسان کا م نہیں کہ سوئچ آن کر دیا جائے ‘اس کیلئے سخت محنت کرنی پڑیگی اور میدان میں کارکردگی دکھا نا پڑیگی ۔