لاہور(سپورٹس رپورٹر+نمائندہ سپورٹس) پاکستان بلیئرڈ اینڈ سنوکر ایسوسی ایشن نے اگلے ماہ چین میں منعقد ہونے والی آئی بی ایس ایف ورلڈ انڈر 18 اور انڈر 21 مینز اور ویمنز سنوکر چیمپئن شپ 2018ء کے لیے پاکستان کی تین رکنی ٹیم کا اعلان کر دیا ہے جس کا تربیتی کیمپ آج 20 جون بروز بدھ سے کراچی کلفٹن میں شروع ہوگا۔ اعلان کردہ ٹیم میں محمد نسیم اختر، محمد عمر خان اور حارث طاہر شامل ہیں۔ تربیتی کیمپ 20 سے 29 جون تک جاری رہے گا جبکہ ورلڈ چیمپئن شپ 2 سے 11 جولائی تک جینان چین میں منعقد ہوگی۔