مشتاق یوسفی کا سوئم ممتاز شخصیات کی شرکت
کراچی (کلچرل رپورٹر) شہرئہ آفاق‘ نامور مزاح نگار مشتاق احمد یوسفی کا سوئم جمعہ کو بعد نماز عصر مسجد سلطان ڈیفنس ہائوسنگ سوسائٹی میں ہوا جس میں مرحوم کے ایصال ثواب کیلئے قرآن خوانی ہوئی۔ اس موقع پر مشتاق احمد یوسفی مرحوم کیلئے درجات کی بلندی اور دعائے مغفرت کی گئی۔ اس موقع پر ادیبوں‘ شاعروں اور مختلف شعبہ ہائے زندگی سے تعلق رکھنے والی شخصیات کے علاوہ عزیز و اقارب شریک تھے جن میں ڈاکٹر پیرزادہ قاسم‘ محمود شام‘محمد احمد شاہ‘ امجد بخاری‘ سعادت جعفری اور دیگرشخصیات شامل تھیں۔
