لاہور (سٹاف رپو رٹر) مز نگ کے علاقہ جین مندر کے قریب غیر ملکی سفارتخانے کی گاڑی کی ٹکر سے موٹر سائیکل سوار شہری زخمی ہو گیا جسے طبی امداد کےلئے ہسپتال منتقل کر دیا گیا، پولیس نے کار ڈرائیور اور سکیورٹی افسر کو حراست میں لے لیا جبکہ سفارتی عملہ دوسرے گاڑی میں بیٹھ کر روانہ ہوگیا۔ معلوم ہوا ہے کہ اسلا م آباد نمبر کی غیر ملکی سفارتخانے کی سیاہ رنگ کی تیز رفتار لینڈ کروزر نے موٹر سائیکل سوار کو ٹکر مار دی جس سے نعمان شدید زخمی ہو گیا ۔ موقع پر موجود ٹریفک وارڈنز نے گاڑی کو فوری روک لیا اور مقامی پولیس کو بھی طلب کر لیا۔ گاڑی میں سوار ڈرائیور ندیم کے مطابق گاڑی جاپانی سفارتخانے کی ہے اور اس میں عملہ بھی سوار تھا۔
ٹکر