لاہو ر(سپورٹس ڈیسک ) بیلجیئم فٹ بال ٹیم کے کپتان ایڈن ہیذرڈ نے کہا ہے کہ تیونس کے خلاف میچ جیت کر بہت زیادہ خوشی ہوئی ہے ۔ یہ میچ اتنی آسانی سے جیت جائیں گے سوچا بھی نہ تھا ۔ کھلاڑیوں نے اچھی کارکردگی کا مظاہرہ کیا جس کی بدولت میچ جیتنے میں کامیاب رہے ۔ کامیابی ٹیم ورک کا نتیجہ ہے جس کی وجہ سے پانچ گول کرنے میں کامیاب ہوئے ۔ ہم مزید دو گول کرسکتے تھے تاہم کھلاڑیوں کی مجموعی کارکردگی اچھی رہی ۔ اب آئندہ کے چار دن خوب انجوائے کریں گے اور پھر اپنے گروپ میں پہلی پوزیشن پر آنے کیلئے انگلینڈ کا مقابلہ کریں گے ۔ ٹریننگ سیشن کے دوران اپنی خامیوں پر قابو پائیں گے اور کارکردگی کا مزید بہتربنائیں گے ۔ لوکاکو بہت شاندار کھیل رہا ہے ‘اسے پاس دینا بھی آسان ہے اور اس نے ہر بار گول کیاہے ‘وہ بہت ہی اچھا فٹبالر ہے ۔ امید ہے کہ وہ آئندہ کے میچوں میں بھی اچھی کارکردگی کا مظاہرہ کرے گا۔