ننکانہ صاحب : دوسرے آل پنجاب کرکٹ میلے کا افتتاح
ننکانہ صاحب (نامہ نگار)دوسراآل پنجاب کرکٹ میلہ ننکانہ صاحب کاشاندار افتتاح ، کرکٹ میلہ کا افتتاح ضلعی صدر پاکستان پیپلز پارٹی وسابق ایم پی اے سید ابرا ر حسین شاہ نے کیا۔ گزشتہ روز میونسپل سٹیڈیم ننکانہ صاحب میں شروع ہونے والے دوسرے آل پنجاب کرکٹ میلہ کا شاندار افتتاح ضلعی صدر پاکستان پیپلز پارٹی ننکانہ صاحب وسابق ایم پی اے سید ابرا ر حسین شاہ نے کیا بعد ازاں دونوں ٹیموں سے سید ابرارحسین شاہ کا تعارف کروایا گیا۔ افتتاحی تقریب میں ننکانہ صاحب کے معروف کرکٹرراناسجاد علی کارکن اور کثیر تعداد میں کرکٹ شائقین نے بھی بھرپور شرکت کی۔ افتتاحی میچ کھیلنے والی ٹیموں کو خوب داد دی جبکہ ٹورنامنٹ انتظامیہ کی اس کاوش کو خوب سراہا اور اُن کی حوصلہ افزائی بھی کی گئی۔ ٹورنامنٹ میں پورے پنجاب سے کرکٹ ٹیمیں شرکت کر رہی ہیں ۔
