پاناما ٹیم ورلڈ کپ میں بچوں والی ٹیم ہے : کوچ
لاہور(سپورٹس ڈیسک) ورلڈ کپ میں شکست کے بعد پاناما کے کوچ ہر نین گومیز نے کہا کہ کھلاڑیوںنے اچھی کارکردگی کامظاہرہ کیا ۔انگلش ٹیم جس طرح گول کررہی تھی گولوں کا مارجن اور بھی ہوسکتا تھا تاہم کھلاڑیوںنے انہیں روکے رکھااور اچھا مقابلہ کیا ۔ ہم نے کوشش کی بڑے مارجن کی شکست سے بچیں اور دوسرے ہاف میں گیند پر زیادہ سے زیادہ کنٹرول رکھا ۔ انگلش ٹیم تجربہ کار تھی اور کھلاڑیوں نے خوبصورت کھیل پیش کیا ۔میچ میں ایسے بھی لمحات آئے کہ انگلش کھلاڑی ہمار ا کھیل دیکھ کر پریشان ہو ئے ۔ وقفہ کے دوران کھلاڑیوں سے کہا کہ ہم مقابلہ برابر تو نہیں کرسکتے تاہم گولوں کو روک سکتے ہیں اور اس میں کامیاب رہے ۔ ہم چاہتے تھے کہ پہلا ہاف بغیر کسی گول کے ختم ہو مگر ایسا نہ ہوسکا۔ پاناما کی ٹیم فٹبا کی دنیا کی ابھی بچوں کی ٹیم کی طرح ہے ‘دوسری ٹیمیں بھی ہمارے کھیل سے شاید مطمئن نہ ہوں ۔ اس میچ میں ہمیں تین سے چار مواقع ملے جن پر گول ہوسکتے تھے مگر فائدہ نہیںاٹھا سکے ۔
