لاہور (سپورٹس رپورٹر+نمائندہ سپورٹس) پاکستان باڈی بلڈنگ فیڈریشن کے انتخابات مکمل‘ نوید انور چیمہ پیٹرن, سہیل انور چیئرمین، شیخ فاروق اقبال صدر اورنثار خان سیکر ٹری منتخب کر لئے گئے۔ لاہور میں ہونے والے جنرل کونسل اجلاس میں انتخابات میں آئندہ مدت کے لئے نئے عہدیداروں کا انتخاب کیا گیا۔ جس کے مطابق نوید اکرم چیمہ فیڈریشن کے پیٹرن ان چیف ، سہیل انور چیرمین ، شیخ فاروق اقبال صدر ، محمد اسماعیل، عبدالحمید، حاجی محمد امین،محمد ارمغان مقیم، محمد جاویدبٹ، جہانگیر تبسم اور محمد اسماعیل کو نائب صدور،نثار خان کو سیکر ٹری جنرل، خاور کریم اور فیاض الیاس کو ایسوسی ایٹ سیکرٹریز ، پروفیسر محمد الیاس کو خازن ، جبکہ محمد نصیر، محمد ارشاد، بابر نظیر، تاج محمد اور محمد ریاض کو ایگزیکٹو ممبر منتخب کر لیا گیا ہے۔