لاہور (سپورٹس رپورٹر) ایس این جی پی ایل پاکستان انٹرنیشنل سکواش چیمپئن شپ (سرکٹ ٹو) مینز اور ویمنز پنجاب سکواش کمپلیکس لاہور میں شروع ہوگئی۔ پہلے روز سینئر مینز کا پہلا کوالیفائنگ رائونڈ مکمل ہوا۔ پہلے میچ میں ظاہر شاہ نے سیف اللہ کو، نعمان خان نے زین رمضان کو، محمد فرحان نے محمد عبدالقادر کو، عزیر شوکت نے سلمان سلیم کو، دانش اطلس خان نے محمد عزیز کو، وقار محبوب نے منصور زمان کو، حارث قاسم نے حسیب تاج کو جبکہ آخری میچ میں بلال ذاکر نے عبدالملک خان کو ہرا کر اگلے کوالیفائنگ رائونڈ میں رسائی حاصل کر لی۔ آج بروز منگل 26 جون کو دوسرا کوالیفائنگ رائونڈ کھیلا جائے گا۔ مین رائونڈز کے میچز 27 جون کو شروع ہوں گے۔ اس سے قبل چیمپئن شپ کی افتتاحی تقریب کے مہمان خصوصی ایم ڈی ایس این جی پی ایل امجد لطیف تھے جنہوں نے ٹورنامنٹ کا افتتاح کیا۔ اس موقع پر سوئی گیس سپورٹس سیل کے صدر سہیل گلزار، وائس پریذیڈنٹ محمد وسیم ، جنرل سیکرٹری اشرف ندیم، سینئر جنرل منیجرسید جواد نسیم ،سینئر جنرل منیجر محمد اسلم،جنرل منیجر محمد ارشد، جنرل منیجر عامر لطیف،چیف ایڈمن آفیسر خالد محمودکوچز،کھلاڑیوں کی بڑی تعداد بھی موجود تھی۔