سرگودھا: ٹکٹیں نہ ملنے پر ن لیگی کارکنوں کا انوکھا احتجاج‘ اذانیں دینا شروع کردیں
سرگودھا(آئی این پی)ٹکٹوں کی تقسیم کے خلاف ن لیگی کارکنان کا انوکھا احتجاج،سرگودھامیں کارکنوں نے ٹکٹوں کی تقسیم کے خلاف بطور احتجاج اذانیں دیں اور ٹکٹوں کی تقسیم سے متعلق فیصلہ واپس لینے کا مطالبہ کیا۔پیر کو تفصیلات کے مطابق سرگودھا میں مسلم لیگ ن کے کارکنوں نے ٹکٹوں کی تقسیم کے خلاف انوکھا احتجاج کیا۔کارکنوں نے بازووں پر سیاہ پٹیاں باندھیں اور مسلم لیگ ن کے سابق رکن قومی اسمبلی چودھر ی حامد حمید کی رہائش گاہ کے باہر بطور احتجاج اذانیں دیں۔ کارکنوں نے الزام لگا یا کہ پارٹی قیا دت کی جانب سے ٹکٹوں کی تقسیم کے وقت نظریاتی کارکنوں کو فراموش کر کے مفاد پرستوں کو ٹکٹ جاری کیے گئے۔
