اوکاڑہ(نامہ نگار)شادی کی تقریب میں مبینہ طور پر نشہ میں دھت باراتیوں کی فائرنگ گولی لگنے سے نو سالہ بچہ جاں بحق ہو گیا دلہا سمیت تین باراتی گرفتار گولی لگنے سے مرنے والے بچے کا حقیقی بھائی دو روز قبل جاں بحق ہو گیا تھا جس کی آج قل خوانی تھی۔ تفصیلات کے مطابق نواحی قصبہ سکھ پورکے زمیندار اسلم بلوچ کی بیٹی کی شادی تھی گزشتہ روز بارات آئی بارات میں شامل مبینہ طور پر نشہ میں دھت افراد نے اندھا دھند فائرنگ کی فائرنگ کی زد میںآ کر نو سالہ بچہ عثمان گولی لگنے سے جاں بحق ہو گیا اس دوران مقامی افراد نے پولیس کو اطلاع کی جس پر پولیس نے تین باراتیوں اور دولہا کو حراست میں لے لیا عینی شاہدین کے مطابق فائرنگ کرنے والے نشہ کی حالت میں تھے فائرنگ سے مرنے والے عثمان کا ایک بھائی دو روز قبل جاں بحق ہو گیا تھا جس کی آج قل خوانی تھی عثمان کی موت سے اس کی ماں پر غشی کے دورے پڑتے رہے جبکہ گائوں کی فضاء سوگوار ہو گئی جاں بحق بچے عثمان کے ورثا نے چیف جسٹس پاکستان ثاقب نثار سے نوٹس لینے کا مطالبہ کیا ہے۔