تاندلیانوالہ، رینالہ خورد، گجرات (نمائندہ نوائے وقت+ نمائندہ خصوصی) مختلف واقعات میں ایک بچی اور بچے اور 3 خواتین کو زیادتی کا نشانہ بنا دیا گیا۔ اسلام پورہ میں 50سالہ شخص فقیر حسین شکیل نے اپنے ہی محلہ کی 7سال معصوم بچی حرا سے زیادتی کر ڈالی، بچی حرا گھر سے سودا سلف لینے فقیر حسین شکیل کی دکان پر گئی تو وہ اسے ورغلا کر اپنے مکان میں لے گیا اور زیادتی شروع کر دی۔ چیخ و پکار پر لوگوں نے مکان کا دروازہ توڑ ڈالا اور اندر داخل ہوگئے جس پر فقیر حسین شکیل فرار ہوگیا۔ حرا کو ہسپتال لے جایا گیا جہاں لیڈی ڈاکٹر نے زیادتی کی تصدیق کر دی جس پر پولیس نے مقدمہ درج کر کے ملزم کو گرفتار کر لیا۔ رینالہ خورد کے نواحی گاؤں 11ون آر کا غریب مزدور اپنی مزدوری کر نے گھر سے گیا تھا اسکے بچے گھر میں موجود تھے ماں فوت ہو چکی تھی۔ اس اثناء میں گاؤں کے ہمایوں، علی، ارشد، شعیب اور دو نامعلو م مسلح ہو کر گھر میں آن گھسے اسکی 15سالہ بیٹی ثنا اختر کو کیری ڈبہ میں اغواء کر کے فرار ہو گئے۔ بچی کو بیہوشی کی حالت میں گزشتہ شام چھوڑ کر فرار ہو گئے۔ ہوش میں آنے پر لڑکی نے بتایا کہ ملزم ہمایوں اس سے زیادتی کرتا رہا دیگر پہرہ دیتے رہے۔ پولیس نے ملزمان کیخلاف مقدمہ درج کرلیا۔ قصور کے نواحی گائوں بھبہ کلاں میں شریف کی بیوی خدیجہ بی بی نے پولیس تھانہ کوٹ رادھاکشن میں مقدمہ درج کروایا کہ اسکی جواں سالہ بیٹی شہناز کھیتوں میں کام کرنے گئی تو ملزم تبسم نے اسے زبردستی زیادتی کا نشانہ بنا دیا ہے۔ پولیس نے مقدمہ درج کر کے تفتیش شروع کر دی۔ گجرت کے علاقہ تھانہ کنجاہ کے گائوں ٹھٹھہ پوڑ میں عظیم عباس نے گھر سے کھیلنے کیلئے باہر جانے والے چھ سالہ زوہیب سے زیادتی کی۔