اوکاڑہ: پکوڑوں کی دکان میں سلنڈر دھماکہ، بازار میں خوف و ہراس
اوکاڑہ (نامہ نگار) انارکلی بازار اوکاڑہ میں سموسے پکوڑوں کی دکان میں سلنڈر دھماکہ کے بعد تاروں میں آگ بھڑک اٹھی، دھماکہ سے بازار میں خوف و ہراس پھیل گیا۔ پولیس اور فائر بریگیڈ ٹیم موقع پر پہنچ گئی۔ رفیق حلوائی کی دکان میں گیس سلنڈر پھٹ جانے سے زوردار دھماکہ ہوا ۔جس کے بعد دکان کے اندرا ور باہر بجلی کی تاروں میں بھی آگ بھڑک اٹھی۔ بازار میں خریداری کے لیے آنے والی خواتین خوفزدہ ہو گئیں۔دکان میں دھماکہ کے بعد تاروں میں آگ بھڑکنے کی اطلاع ملتے ہی فائر بریگیڈ انچارج مرزا یونس ماتحت عملہ کے ہمراہ موقع پر پہنچے، آگ پر بروقت قابو پا لیا۔
