لاہور(سپورٹس ڈیسک) فٹ بال ورلڈ کپ 2018ءمیں شرکت کرنے والی ایرانی ٹیم کے 23سالہ کھلاڑی سردار ازمون نے انٹر نیشنل فٹبال سے ریٹائرمنٹ کا اعلان کر دیا ۔ انہوں نے کہا کہ میگا ایونٹ میں شکست پر جو بے عزتی ہوئی ہے اس کی وجہ سے والدہ بیمار پڑ گئی ہیں ۔ ازمون کا تخلص ایرانی میسی ہے ۔ انہوں نے ورلڈ کپ سے قبل قومی ٹیم کی طرف سے33میچوں میں 23گول کئے تھے ۔ انہوں نے مزید کہا کہ میرے لئے ریٹائرمنٹ کا فیصلہ بڑ ا تکلیف دہ ہے مگر کرنا بھی ضروری ہے ۔ ٹیم پر جو تنقید کی گئی اس سے والدہ بیمار پڑگئی ہیں ۔ ان کی صحت بہتر ہورہی ہے جس سے میں بھی خوش ہوں ۔ کچھ لوگوں نے ٹیم اور مجھ پر بے جا تنقید کی حالانکہ ہماری کارکردگی بہتر تھی ۔ اس صورتحال نے مجھے مشکل ڈال دیاجس کی وجہ سے فٹبال سے کنارہ کشی اختیار کرلی ہے ۔