لاہور(سپورٹس رپورٹر) شاہ لائیلہ بلوچ قومی انڈر 16 ویمنز فٹبال چیمپئن شپ کی کوارٹر فائنل لائن اپ مکمل ہو گئی۔ دیا کلب اور سندھ، ماڈل ٹا¶ن اکیڈمی اور پنجاب کی ٹیمیں آمنے سامنے ہوں گی، کراچی یونائیٹڈ اور اسلام آباد فٹبال ایسوسی ایشن جبکہ کراچی ککرز اور گلگت بلتستان میں مقابلہ ہو گا۔ تفصیلات کے مطابق ماڈل ٹاﺅن فٹبال اکیڈمی میں جاری ایونٹ میں شریک ٹیموں کو چار گروپس میں تقسیم کیا گیا۔ گروپ اے میں اسلام آباد فٹبال ایسوسی ایشن، دیا کلب اور ینگ رائزنگ سٹار راولپنڈی، گروپ بی میں سندھ، کراچی یونائیٹڈ اور ایبٹ آباد واریئرز کلب، گروپ سی میں گلگت بلتستان، ینگ رائزنگ سٹار لیہ اور ماڈل ٹاﺅن اکیڈمی لاہور جبکہ گروپ ڈی میں پنجاب، کراچی ککرز کلب، کراچی ویمنز کلب کی ٹیمیں شامل ہیں۔ لیگ مرحلے کے اختتام پر ہر گروپ میں آخری نمبر پر رہنے والی ٹیم کا سفر تمام ہو گیا، ینگ رائزنگ راولپنڈی، ایبٹ آباد واریئرز، ینگ رائزنگ لیہ اور کراچی ویمن کلب کی ٹیمیں ایونٹ سے باہر ہو گئیں۔ کوارٹر فائنلز میں دیا کلب کی ٹیم سندھ سے مدمقابل ہو گی، ماڈل ٹاﺅن فٹبال اکیڈمی اور پنجاب کی ٹیموں میں جوڑ پڑے گا۔

، کراچی یونائیٹڈ اور اسلام آباد فٹبال ایسوسی ایشن کی ٹیمیں آمنے سامنے ہوں گی جبکہ کراچی ککرز اور گلگت بلتستان بھی سیمی فائنل مقابلہ ہوگا۔