لاہور(سپورٹس رپورٹر) پاکستان اولمپک ایسوسی ایشن کے زیراہتمام اولمپک ڈے کی خصوصی تقریب آج واپڈا سپورٹس کمپلیکس لاہور میں منعقد ہوگی۔تقریب کے مہمان خصوصی نگران حکومت کے وزیر کھیل، نائب صدر پی او اے، سابق آئی جی پنجاب پولیس شوکت جاوید ہونگے۔ اولمپک ڈے کے موقع پر اولمپک ڈے رن بچوں، یوتھ، یوتھ اور اولڈ افراد میں منعقد ہوگی۔ اس موقع پر اولمپئنز اور میڈلسٹ کھلاڑیوں سمیت مختلف شعبہ ہائے زندگی سے تعلق رکھنے والے افراد کی کثیر تعداد موجود ہوگی۔ اس موقع پر باسکٹ بال، ہینڈ بال، کراٹے، سوئمنگ، ٹیبل ٹینس، والی بال، ریسلنگ کے نمائشی میچز کرائے جائیں گے۔