قصور (نمائندہ نوائے وقت) وڈانہ گائوں کے قریب واقعہ جوہڑ میں نہاتے دو جڑواں بھائی ڈوب کر جاں بحق ہو گئے۔ تفصیلات کے مطابق وڈانہ گائوں مدینہ سٹیل کے قریب افضل کے دو جڑواں بیٹے دس سالہ علی اور احمد کھیتوں کے درمیان بارشوں کے جمع شدہ پانی سے بننے والے جوہڑ میں نہا رہے تھے کہاچانک دونوں گہرے پانی میں اتر گئے، ڈوب کر جاں بحق ہو گئے۔ ریسکیو 1122 ٹیم نے دونوں بچوں کی نعشوں کو برآمد کر کے ڈسٹرکٹ ہسپتال قصور منتقل کر دیا۔