فٹبال ورلڈ کپ : پری کوارٹر فائنل مرحلہ میں آج بھی 2میچ ہونگے
لاہور (سپورٹس ڈیسک) روس میں جاری فیفا فٹ بال ورلڈ کپ کے پری کوارٹر فائنل مرحلے میں آج بھی دو میچ کھیلے جائیں گے ۔ سابق عالمی چیمپئن برازیل اور میکسیکو کی ٹیمیں پہلے میچ میں پاکستانی وقت کے مطابق رات سات بجے مد مقابل ہوں گی ۔ دوسرا میچ بیلجیئم اور جاپان کی ٹیموں کے درمیان کھیلا جائے گا۔ یہ میچ پاکستانی معیاری وقت کے مطابق رات گیارہ بجے کھیلا جائے گا۔ کل بھی دو میچ کھیلے جائیں گے ۔ پہلے میچ میں سویڈن اور سوئٹزرلینڈ کے درمیان پاکستانی معیاری وقت کے مطابق شام سات بجے شروع ہو گا۔ دوسرا میچ کولمبیا اور انگلینڈ کی ٹیموں کے درمیان کھیلا جائے گا ۔ یہ میچ بھی پاکستانی معیاری وقت کے مطابق رات گیارہ بجے شروع ہو گا۔ میگا ایونٹ کا کوارٹر فائنل مرحلہ 6جولائی سے شروع ہوگا ۔ 6جولائی کو پہلے کوارٹر فائنل میں یورا گوئے اور فرانس کی ٹیمیں پاکستان کے معیاری وقت کے مطابق شام سات بجے مد مقابل ہونگی ۔
