بنکاک (آئی این پی ) تھائی لینڈ کے پراسرارغاروں میں گم ہونے والی بچوں کی فٹبال ٹیم اورانکے کوچ کاتاحال کچھ پتہ نہ چل سکا، امریکا اور برطانیہ کے بعد آسٹریلیا نے بھی ماہرین کا ایک دستہ تھائی لینڈ بھیج دیا ۔ تفصیلات کے مطابق ایک ہفتے سے زائد گزرنے کے بعد بھی تھائی جنگلات کے درمیان موجود ان غاروں میں گمشدہ بچوں کاکوئی سراغ نہیں مل سکا۔دوسری جانب ریسکیو آپریشن کے لیے امریکہ اور برطانیہ کے بعد آسٹریلیا نے بھی ماہرین کا ایک دستہ تھائی لینڈ بھیج دیا ہے ۔مقامی حکام نے کہا ہے کہ غاروں میں پانی کی سطح کم ہونے کے بعد تلاش کا کام مزید تیز کردیاگیا ہے۔واضح رہے تھائی لینڈ میں انڈر 16 فٹبال ٹیم کے 12 کھلاڑی اپنے کوچ کے ہمراہ سیر و تفریح کی غرض سے ایک غار میں گئے تھے، جس کا دہانہ شدید بارش کے بعد پانی نے بند کر دیا۔اطلاع ملتے ہی امدادی ٹیموں نے کارروائی شروع کر دیا، ریسکیو حکام کا کہنا ہے کہ غار تک پہنچنے کے لیے کسی اور راستے کی تلاش میں ہیں تاہم کھلاڑیوں کے ذاتی استعمال کا کچھ سامان غار کے دہانے سے مل گیا ہے۔