لاہور (سپورٹس ڈیسک) روس میں جاری فیفا فٹ بال ورلڈ کپ کا کوارٹر فائنل مرحلہ 6جولائی سے شروع ہوگا۔ پہلے کوارٹر فائنل میں یورا گوئے اور فرانس کی ٹیمیں مد مقابل ہونگی۔ یہ میچ پاکستانی وقت کے مطابق شام سات بجے شروع ہوگا۔ دوسرا کوارٹر فائنل بھی چھ جولائی کو ہی کھیلا جائے گا جس میں برازیل اور بیلجیئم کی ٹیمیں مد مقابل ہونگی ۔ یہ میچ پاکستانی وقت کے مطابق رات گیارہ بجے شروع ہو گا۔ تیسر ا کوارٹر فائنل سات جولائی کو کھیلا جائے گا جس میں انگلینڈ کا مقابلہ سویڈن سے ہوگا جبکہ اسی دن چوتھے کوارٹر فائنل میں روس اور کروشیا کی ٹیمیں رات گیارہ بجے مد مقابل ہونگی ۔ میگا ایونٹ کا پہلا سیمی فائنل دس جولائی ‘دوسرا گیارہ جولائی کو کھیلا جائیگا۔ تیسری اور چوتھی پوزیشن کیلئے میچ چودہ جولائی کو کھیلاجائے گا جبکہ فائنل پندرہ جولائی کو کھیلا جائے گا۔