لاہور(سپورٹس ڈیسک)بھارت نے انگلینڈ کو ٹی 20میچ میں 8وکٹوں سے شکست دیدی۔بھارت نے ٹاس جیت کر فیلڈنگ کا فیصلہ کیا۔ انگلینڈ نے پہلے کھیلتے ہوئے 8وکٹوں پر 159رنز بنائے‘جوزبٹلر نے 69رنز کی اننگز کھیلی‘سات کھلاڑی ڈبل فگرمیں بھی داخل نہ ہوسکے ۔ کلدیپ یادیو نے 24رنز کے عوض 5کھلاڑیوں کو آئوٹ کیا ۔ بھارت نے ہدف دو وکٹ پرپوراکرلیا ۔لوکیش راہول نے 54گیندوں پرناقابل شکست 101رنز کی اننگز کھیلی۔ روہت شرما بتیس ‘شیکھر دھون چار رنز بناکر آئوٹ ہوئے ۔ ویرات کوہلی بیس رنز پر ناقابل شکست رہے ۔ بھارت نے تین میچوں کی سیریز میںایک صفر کی برتری حاصل کرلی ۔