لاہور+اسلام آباد (سپورٹس رپورٹر) چین میں ورلڈ انڈر18-سنوکر چیمپئن شپ میں لیگ راﺅنڈ ختم ہو گئے پاکستان کے سابق ورلڈ انڈر18- چیمپئن محمد نسیم اختر نے اپنے تینوں میچز جیت کر براہ راست پری کوارٹر فائنل کھیلنے کا اعزاز حاصل کر لیا۔ حارث طاہر نے تین میں سے دو میچز میں کامیابی حاصل کی اور انہوں نے لاسٹ20راﺅنڈکیلئے کوالیفائی کر لیا ۔ انہیں پری کوارٹر فائنل کھیلنے کیلئے مزید دو میچز جیتنا ہوں گے۔ محمد عمر خان نے تین میچز میں سے ایک میں کامیابی حاصل کی جبکہ دو میچز میں انہیں شکست کا سامنا کرنا پڑا۔ اس وجہ سے وہ ناک آﺅٹ راﺅنڈ کیلئے کوالیفائی نہیں کر سکے۔ محمد نسیم اختر نے نیوزی لینڈ کے ڈیوڈ بن کو3-0سے شکست دی۔ اس میچ میں انہوں نے81کی بریک بھی کھیلی۔حارث طاہر نے جرمنی کے ڈومٹ ڈکمی کو 3-1سے ہرایا۔ انڈر18- چیمپئن محمد عمرخان نے بلجیئم کے نک جینسن کو 3-1سے شکست دی۔ حارث طاہرآئرلینڈ کے ارون ہل سے2-3سے پار گئے جبکہ پاکستان کے عمر خان کو ہانگ کانگ کے زی طاﺅ لو سے1-3کی شکست کا سامنا کرنا پڑا۔