لاہور(سپورٹس رپورٹر ) سہ ملکی سیریز میں زمبابوے کےخلاف فتح کے باوجود پاکستان کی ٹی 20 رینکنگ میں پہلی پوزیشن خطرے میں پڑ گئی ۔آئی سی سی ٹی 20 رینکنگ کے مطابق پاکستان ٹیم 129 پوائنٹس کیساتھ پہلے نمبر پر موجود ہیں جبکہ آسٹریلیا 126 پوائنٹس کےساتھ دوسرے نمبر پر ہے۔ سہہ ملکی سیریز میں پاکستان اور آسٹریلیا کے درمیان 2 میچ کھیلے جانے ہیں اور اگر دونوں میں پاکستان کو شکست ہوئی تو پہلی پوزیشن بھی ہاتھ سے نکل جائےگی۔ رینکنگ کے مطابق بھارت تیسرے‘ انگلینڈ چوتھے، نیوزی لینڈ پانچویں، جنوبی افریقہ چھٹے، ویسٹ انڈیز ساتویں، افغانستان آٹھویں، سری لنکا نوویں اور بنگلہ دیش دسویں نمبر پر ہے۔