سانگھڑ (نامہ نگار) سانگھڑ بیرانی تھانے کی حدود گاؤں لال خان مری کے قریب ہوائی جہاز کے دو بڑے فیول ٹینک گرائے گئے جس سے علاقے میں شدید خوف وہراس پھیل گیا تا ہم کوئی بھی جانی مالی نقصان نہیں ہوا۔ مقامی افراد نے تھانہ بیرانی کو اطلاع دی پولیس نے موقع پر پہنچ کر دونوں ٹینکوں کو اپنے قبضے میں لے لیا۔ رابطہ کر نے پر پولیس اہلکاروں کا کہنا تھا کہ دونوں فیول ٹینکس کو تھانہ بیرانی پر پہنچایا گیا ہے اس موقع علاقے کے سینکڑوں افراد جمع ہو گئے۔ علاقے کے لوگوں کا کہنا ہے اس طرح کے واقعات کو روکنا چاہئے۔