شیخوپورہ، شاہکوٹ میں 2 لڑکیوں، فیصل آباد: 40 سالہ شخص کی خود کشی
شیخوپورہ+ شاہ کوٹ+فیصل آباد (نمائندہ نوائے وقت+ نامہ نگار+ نمائندہ خصوصی) مختلف واقعات میں 2 لڑکیوں سمیت 3 افراد نے خود کشی کر لی۔ تفصیل کے مطابق شیخوپورہ کے جاتری کہنہ گائوں میں نامعلوم وجوہات کی بناء پر 12 سالہ (ش) نے مبینہ طور پر زہریلی گولیاں کھا کر اپنی زندگی کا خاتمہ کر لیا پولیس نے نعش کو تحویل میں لیکر کارروائی شروع کر دی ہے۔ شاہ کوٹ وارڈ نمبر 15 میں جواں سال لڑکی سدرہ نے گلے میں پھندا ڈال کر خود کشی کر لی فیصل آباد میں گھریلو جھگڑوں سے دلبرداشتہ ہوکر جڑانوالہ مہر ٹائون کے رہائشی چالیس سالہ محمد اسلم نے گھر والوں سے جھگڑ کر زہریلی گولیاں نگل لیں ۔
