لاہور(سپورٹس رپورٹر +نمائندہ سپورٹس) پاکستان ہاکی فیڈریشن نے پرانے پرانے میڈیا منیجر کو فارغ کیے بغیر نئے میڈیا منیجر کا تقرر کر دیا ہے۔ پی ایچ ایف کی جانب سے اس بات کی تصدیق کی گئی ہے کہ راجہ محسن اعجاز کو فیڈریشن کا نیا میڈیا منیجر مقرر کر دیا گیا ہے۔ راجہ محسن اعجاز نے عہدے کا چارج سنبھال لیا ہے اور ہاکی فیڈریشن کے صدر بریگیڈئر (ر) خالد سجاد کھوکھر اور سیکرٹری جنرل شہباز احمد سینئر سے ملاقات کی، خالد سجاد کھوکھر نے کہاکہ راجہ محسن اعجاز کی تقری سے ملک میں ہاکی کے کھیل کوفروغ ملے گا۔ سیکرٹری پی ایچ ایف اولمپیئن شہباز احمد سینئر کا کہنا تھا کہ راجہ محسن اعجاز کا تقرر کیا گیا ہے تاہم سابق میڈیا منیجر اعجاز چوہدری کے متعلق فیصلہ بعد میں کیا جائے گا کہ ان کا مستقبل کیا ہے۔