ومبلڈن اوپن ٹینس ٹورنا منٹ : اعصام الحق کی جوڑی کو دوسرے رائونڈ میں شکست
لاہور (نمائندہ سپورٹس+سپورٹس رپورٹر)برطانیہ میں جاری ومبلڈن اوپن ٹینس ٹورنا منٹ کے مینز سنگلز میں راجر فیڈرر‘جے ازنر ‘گائل مونفلس‘کے اینڈرسن ‘پری کوارٹر فائنل میں پہنچ گئے ۔ راجر فیڈرر نے جے سٹرف کو چھ تین ‘سات پانچ اور چھ دو سے ہرایا۔ جے ازنر نے الباٹ کو چھ تین ‘چھ تین اور چھ چار سے شکست دی ۔ گائل مونفلس نے ثام کیوری کو پانچ سات ‘چھ چا ر ‘چھ چا راور چھ دو سے زیر کیا ۔ کے اینڈرسن نے کوہل شرائیبر کو چھ تین ‘سات پانچ اور سات پانچ سے قابو کیا ۔ ویمنز سنگلز میں کے پلسکووا نے بزارنسکو ‘سرینا ولیمز نے ملاڈینو وک ‘کے برٹنز نے وینس ولیمز ‘ڈی ویکک نے وکمیئر ‘جے جارجس نے سٹرائی کووا ‘جیارجی نے سنیا کووا ‘میکاروا نے لوسی سفار وا ‘ای روڈینا نے ایم کیز کو شکست دے کر پری کوارٹر فائنل میں جگہ بنالی ۔ مینز ڈبلز کے ایونٹ میں پاکستان کے اعصام الحق قریشی کی جوڑی کو دوسرے رائونڈ میں شکست ہو گئی ۔ اعصام الحق او ر جے راجر کی جوڑی کو این سکیوپسکی اور کے سکیو پسکی کی جوڑی نے چھ چار ‘چھ چار اور سات دو سے ہرا کر ایونٹ سے باہر کردیا ۔ مکسڈ ڈبلز ایونٹ میں اعصام الحق کی جوڑی نے پہلا رائونڈ جیت لیا ۔ اعصام الحق اور اے پار ا سنتوجا کی جوڑی نے اے موئٹینی اور ایم نینو میا کی جوڑی کو چھ تین اور چھ دو سے شکست دے کر ایونٹ سے باہر کردیا ۔ اعصام الحق کی جوڑی مکسڈ ڈبلز میں آج وائی چن اور آئی ڈاڈگ کی جوڑی کا مقابلہ کریگی ۔
