لاہور(کلچرل رپورٹر ) پاکستانی گلوکار راحت فتح علی خان اور عاطف اسلم صرف اپنے ملک میں ہی نہیں بلکہ دنیا بھر میں کافی مقبول ہیں، جن کی گلوکاری بولی وڈ میں بھی بیحد پسند کی جاتی ہے۔اور اب یہ دونوں نامور گلوکار بولی وڈ کی جلد ریلیز ہونے والی فلم ’نمستے انگلینڈ‘ میں گانے گائیں گے۔میوزک کمپوزر منن شاہ کا کہنا تھا کہ ’عاطف اسلم ہمیشہ سے میرے پسندیدہ گلوکار رہے ہیں جنہوں نے کئی رومانوی گانے گائے، تیرے لیے گانے کی پہلی پسند بھی عاطف اسلم ہی تھے، جاوید نے اس گانے کو خوبصورت انداز میں تحریر کیا اور یہ میرا پسندیدہ گانا ہے۔’تیرے لیے‘ گانے کی ویڈیو کی شوٹنگ لندن میں کی گئی۔فلم میں راحت فتح علی خان کی جانب سے گائے گئے گانے پر منن نے کہا کہ ’یہ میرے لیے اعزاز کی بات ہے کہ گانا تو میری میں تیرا راحت نے گایا، میں ہمیشہ سے ان کی آواز کا مداح رہا ہوں۔’تو میری میں تیرا‘ گانے کی شوٹنگ اس وقت دبئی میں جاری ہے۔ہم نے راحت صاحب کے گانے کے ساتھ کچھ الگ سٹائل اپنایا ہے، جس کا انہوں نے بھی پہلی بار تجربہ کیا، وہ بھی کچھ نیا گانے کے لیے کافی پرجوش تھے۔