بہاولپور(اے این این)سابق وفاقی وزیر کھیل ریاض پیرزادہ کو حلقے کے ووٹرز نے گھیرلیاسوالات کی بوچھاڑ کردی۔تفصیلات کے مطابق سابق وفاقی وزیر ریاض پیرزادہ اپنے حلقے میں انتخابی مہم سے خطاب کر رہے تھے تونوجوان نے ان کی تقریر روکتے کہا کہ پہلے آپ 5 سال کا حساب دیں،آپ وزیر کھیل رہے ہیں حاصل پور کیلئے کچھ بھی نہیں کیا،آپ نے ابھی تک شہر میں ایک کھیل کا گراﺅنڈ تک نہیں دیا۔سابق وفاقی وزیر نے کہا کہ حاصل پور میں حکومت کی جگہ ہو گی تو گراﺅنڈ دیں گے،آپ لوگوں کی محبت میں یہاں آتے ہیں،ووٹر نے ریاض پیرزادہ کو کھری کھری سناتے ہوئے کہا کہ آپ الیکشن کے دنوں میں محبت کرتے ہیں ،آپ الیکشن کے دنوں میں آتے ہیں اس سے پہلے آپ کو محبت یاد نہیں آتی۔
ووٹر/ سوالات