لاہور (خصوصی رپورٹر) مسلم لیگ (ن) کے رہنما سینیٹر ڈاکٹر آصف کرمانی نے کہا کہ مسلم لیگی کارکن اور امیدوار بھرپور عزم اور حوصلے سے انتخابی مہم چلائیں گے، استغاثہ نواز شریف پر کرپشن کا الزام ثابت نہیں کر سکا،نواز شریف اور مریم نواز جلد پاکستان واپس آئیں گے۔ ہفتہ کو اپنے ایک بیان میں انہوں نے کہا مسلم لیگ(ن)نواز شریف اور شہباز شریف کی قیادت میں متحد ہے۔ نواز شریف اور مریم نواز شریف کے حوصلے بلند ہیں،دونوں جلد پاکستان واپس آئیں گے۔