لاہور (خصوصی رپورٹر) احتساب عدالت میں سابق وزیراعظم نواز شریف‘ حسین نواز اور حسن نواز کے خلاف العزیزیہ سٹیل ملز ریفرنس بھی اختتامی مراحل میں داخل ہوگیا‘ ریفرنس کی سماعت احتساب عدالت کے جج محمد بشیر (آج) پیر کو کرینگے۔ استغاثہ کے گواہ اور جے آئی ٹی کے سربراہ واجد ضیاءپر نواز شریف کے وکیل خواجہ حارث ایڈووکیٹ جرح کریں گے‘ سابق وزیراعظم بیرون ملک ہونے کی وجہ سے عدالت میں پیش نہیں ہونگے‘ نیب کی طرف سے سردار مظفر عباسی عدالت میں پیش ہونگے جبکہ ایڈیشنل ڈائریکٹر جنرل ایف آئی اے واجد ضیاءبھی عدالت میں پیش ہونگے اور نواز شریف کے وکیل خواجہ حارث کی طرف سے ان پر گزشتہ کئی سماعتوں سے جاری جرح کو آگے بڑھایا جائے گا‘ واجد ضیاءپر جرح مکمل ہونے کے بعد نیب کے تفتیشی افسر کا بیان قلمبند کیا جائے گا ۔ عدالت ملزمان کو اپنے حق میں گواہ پیش کرنے کا حکم دے گی اگر ایون فیلڈ ریفرنس کی طرح نواز شریف کی طرف سے اس ریفرنس میں بھی اپنے حق میں گواہ نہ پیش کئے گئے تو ٹرائل مکمل ہوجائے گا اس کے بعد عدالت فیصلہ سنائے گی۔
العزیزیہ ریفرنس