ساہیوال (نمائندہ نوائے وقت+ نامہ نگار) جی ٹی روڈ پر موڑ چک 34پل کے قریب محنت کش اکرام کے گھر کی چھت گرنے سے 8سالہ بچی مسکان جاں بحق اور چار بچے اور بیوی سمیت 5افراد شدید زخمی ہو گئے جن میں سے دو بچوں کی حالت نازک ہے۔ زخمیوں میں نعمان 6سالہ، سلیمان 5سالہ، ریحان 10سالہ اور آسیہ بیوی 48سالہ شامل ہیں۔ اکرام نے اپنے گھر کی چھت پر دوسری منزل تعمیر کرنے کے لئے اینٹوں کا ذخیرہ کر رکھا تھا کہ بارشوں کے سبب چھت کمزور ہو گئی اور ہفتہ کی رات کو چھت زمین بوس ہو گئی اور اہل خانہ ملبے تلے دب گئے۔