ممبئی(آئی این پی) بالی وڈ اداکار شاہ رخ خان کے بعد سلمان خان کو بھی پرتعیش فارم ہاؤس پر نوٹس جاری ہوگیا۔سلمان خان کا ’پان ویل فارم ہاؤس‘ ممبئی سے دور پر فضا مقام پر بنا ہوا ہے ۔فارم ہاؤس پر ریاستی حکومت کے محکمہ جنگلات نے پورے خاندان کو نوٹس جاری کیا جس میں فارم ہاؤس کے اندر تعمیراتی کام میں ماحولیات کے قانون کی خلاف ورزی کا الزام عائد کیا گیا ہے۔ 9 جون 2018 کو جاری نوٹس میں کہا گیا ہے کہ پان ویل فارم ہاؤس میں 11 تعمیرات کی گئی ہیں جن میں ماحولیاتی قوانین کا خیال نہیں رکھا گیا۔و 7 روز میں جواب جمع کرانے کی ہدایت دی گئی جواب جمع نہ کرانے کی صورت میں فیملی کیخلاف کارروائی کا عندیہ دیا گیا ہے۔