اسلام آباد ( آن لائن ) پاکستان میں تعینات بیرونی ممالک کے سفراء کا ملک کے اندر ترقی اورخوشحالی پر اظہار اطمینان ، سوشل میڈیا پر مبارکباد کے پیغامات کے ساتھ ساتھ مزید بہتری کی دعائیں ۔ یورپی یونین کے سفیر جین فرانسکوس کوٹین نے اسلام آباد ائرپورٹ پردنیا کے سب سے بڑے مسافر طیارے، ایمریٹس ائرلائن کے A-380 کی آمد پر آمد پر خوشی کا اظہار کیا ، سوشل میڈیا کی ویب سائٹ ٹوئیٹر پر جاری ایک پیغام کے ذریعے کوٹین نے لکھاکہ انہیں خوشی ہوگی کہ ایسے طیارے پر پاکستان انٹرنیشنل ائیرلائن کا لیبل لگا ہو۔ یورپی یونین کے سفیر کی اس ٹوئٹ کو ہزاروں لوگوں نے پسند کیا ہے۔ اس کے علاوہ ڈنمارک کے سفیر رولف ہولمبو ئے نے پاکستان کرکٹ ٹیم کے آسٹریلیا سے فتح پر خوشی کااظہا رکیا ہے اور خواہش ظاہر کی ہے کہ پاکستان کرکٹ ٹیم ٹی 20 دنیا کی بہترین ٹیم بن جائے۔ واضح رہے کہ جرمنی کے سفیر مارٹن کوبلر پاکستان کے مختلف شہروں میں پاکستانی ثقافت اور کلچر اور کھانوں سے لطف اندوز ہورہے ہیں۔