ڈسکہ‘ قصور، قلعہ دیدار سنگھ، فیروزوالہ (نامہ نگاران) مختلف واقعات میں 10 سالہ بچے اور بیوہ سمیت تین خواتین کو زیادتی کا نشانہ بنا دیا گیا۔ ڈسکہ میں تھانہ ستراہ کے علاقہ کوٹلی کرلاں کے ریاض کی 14سالہ بھتیجی(ث) حویلی میں کام کررہی تھی کہ ملزم شہزاد عرف کاکو اس کو اپنے ساتھ لے گیا اور زیادتی کر ڈالی۔ قصور میں نواحی گائوں بستی قطب شاہ میں 3افراد نے 16سالہ لڑکی کو زیادتی کا نشانہ بنا دیا۔ رفیقاں بی بی گھر میں اکیلی تھی کہ تین ملزمان اسماعیل‘ بابر اور ظفر گھر میں گھس آئے اور اسے زیادتی کا نشانہ بنا دیا۔ ملزموں گرفتار کرلیا گیا۔ قلعہ دیدار سنگھ کے نواحی گائوں قلعہ وزیر سنگھ (گڑھا ) میں 50 سالہ ملزم خلیل نے 10 سالہ بچے سہیل کو ہوس کا نشانہ بنایا جبکہ فیروزوالہ کے علاقہ رچنا ٹائون میں بیوہ خاتون (ن) کو ملزمان میاں ظفر اور خرم وغیرہ نے پلاٹ خریدنے کے بہانے بلایا اور کار میں بٹھا کر رچن اٹائون خالی مکان میں لے جاکر زیادتی کا نشانہ بنا ڈالا۔