لاہور (نیوز ڈیسک) بھارتی اداکارہ تاپسی پنوں بھی مسلمانوں سے ہونے والے منفی سلوک پر بول اٹھیں۔ گزشتہ روز ممبئی میں اپنی فلم ’’ملک‘‘ کے ٹریلر لانچ کرنے کی تقریب میں گفتگو کرتے ہوئے تاپسی پنوں نے کہا کہ بھارت میں مسلمانوں کو نفرت اور امتیازی سلوک کا نشانہ بنایا جارہا ہے جس پر انہیں پریشانی ہے۔ انہوں نے کہا کہ میرے منیجر، میرا ڈرائیور اور گھریلو ملازم تینوں مسلمان ہیں جب وہ اس صورتحال سے پریشان ہوں تو مجھے بھی سارا دن پریشانی رہتی ہے کہ ایک خاص مذہب اسلام اور مسلمانوں کو نشانہ بنایا جارہا ہے۔ میں ان مسلمان لوگوں سے علیحدہ ہوکر نہیں رہ سکتی۔ یہی وجہ ہے کہ اس موضوع پر بننے والی فلم ملک میں میں نے کام کرنے کا فیصلہ کیا۔