بدوملہی(نامہ نگار)کمشنر گوجرانوالہ کے زیر اہتمام گوجرانوالہ میں سپورٹس فیسٹول کے نام سے مختلف کھیلوں کا انعقاد کیا گیا۔ ووشو کنگفو مقابلوں میں گوجرانوالہ ڈویژن کے13مختلف کلبز کی ٹیموں نے حصہ لیا۔ چیمپئن ووشو کنگفو مارشل آرٹس بدوملہی کی ٹیم نے اپنی مدد آپ کے تحت ان مقابلوں میں انٹر نیشنل گولڈ میڈلسٹ وحید احمد بٹ کی قیادت میں 9کھلاڑیوں نے حصہ لیا ۔ جس میں سے 4 کھلاڑیوں نعمان وارث ، طیب سعید ، طلحہ شیخ اور حمزہ زوہیب نے گولڈ میڈل عبداللہ حمید ، ذیشان علی اور عاطف چودھری نے سلور میڈل جبکہ عزیر احمد اور مشاہد حسین نے بروئونز میڈل حاصل کیے۔ چیف کوچ وحید احمد بٹ نے کہا ہے کہ ہم ووشو کنگفو کھیل کے ذریعے نوجوان کھلاڑیوں کی تربیت کر کے مختلف سطحی مقابلوں میں متعارف کروا کر اعلیٰ کارکردگی سے علاقے کا نام روشن کرنے میں فخر محسوس کرتے ہیں۔