لاہور (سپورٹس ڈیسک) برطانیہ میں جاری ومبلڈن اوپن ٹینس ٹورنا منٹ کے ویمنز سنگلز کے پہلے سیمی فائنل میں جرمنی کی انجلیق کربر نے جیلینا اوسٹا پینکو کو شکست دے کر فائنل کیلئے کوالیفائی کرلیا ۔ فاتح کھلاڑی نے یکطرفہ مقابلے کے بعد حریف کھلاڑ کو چھ تین اور چھ تین سے شکست دی ۔ امریکی سٹار سرینا ولیمز نے دوسرے سیمی فائنل میں جرمنی کی جولیا جارجس کو شکست دے کر فائنل کیلئے کوالیفائی کرلیا ۔ ومبلڈ اوپن کے آٹھ ٹائٹل جیتنے والی سرینا ولیمز نے چھ دو اور چھ چار سے کامیابی سمیٹی ۔ ویمنز سنگلز کا فائنل کل کھیلا جائے گا۔ سرینا ولیمز ریکارڈ چوبیسواں گرینڈ سلام ٹائٹل اپنے نام کرنے کیلئے پر امیدہیں ۔

۔مینز سنگلز کے سیمی فائنل آج کھیلے جائیں گے ۔ پہلا سیمی فائنل کین اینڈرسن اور جے ازنر کے درمیان کھیلا جائے گاجبکہ دوسرے سیمی فائنل میں نوواک جوکو وک اور رافیل نڈال کے درمیان کھیلا جائے گا۔ ویمنز ڈبلز کے سیمی فائنل بھی آج کھیلے جائیں گے ۔ پہلے سیمی فائنل میں کے پیشکے ‘این ملائیشر کی جوڑی کا مقابلہ جی ڈبروسکی اور وائی ژو کے درمیان ہوگا جبکہ دوسرا سیمی فائنل اے روسلوسکا ‘اے سپیرز کی جوڑی بی کیرسی کووا اور کے سنیایا کووا کے درمیان کھیلا جائے گا۔