انقرہ (نیٹ نیوز) ترکی میں فوجی بغاوت کی ناکامی کے دو سال مکمل ہونے پر انقرہ میں تقریبات کا انعقاد کیا گیا۔ ان تقریبات میں ترک صدر طیب اردگان سمیت اعلی حکومتی عہدیداروں نے شرکت کی۔ 15 جولائی 2016 کو ترک فوج میں صدر اردگان کے مخالف گروہ نے حکومت کا تختہ الٹنے کی کوشش میں ٹینکوں، جنگی جہازوں اور ہیلی کاپٹروں سے کئی شہروں پر چڑھائی کی۔ بڑی تعداد میں ترک عوام نے سڑکوں پر نکل کر فوجی بغاوت کو ناکام بنا دیا تھا۔