احمد پور سیال(نامہ نگار) حوا کی ایک اور بیٹی غیرت کی بھینٹ چڑھ گئی۔ ناجائز مراسم کے شبہ میں بھائی نے بہن کو آشنا سمیت کلہاڑیوں کے پے درپے وار کرکے موت کی ابدی نیند سلا دیا۔تھانہ احمد پور سیال کے علاقہ موضع چدھڑ چاہ حاکمے والا یونین کونسل سمندوآنہ میں مبینہ منظور کے بشریٰ بی بی کے ساتھ ناجائز مراسم تھے ۔گزشتہ رات جب وہ اغواء کی غرض سے حویلی میں داخل ہوا تو ورثاء کی آنکھ کھل گئی اور ناجائز مراسم کے شبہ میں بھائی نے کلہاڑیوں کے وار کرکے اپنی بہن کو اس کے آشنا سمیت موت کے گھاٹ اتار دیا،پولیس تھانہ احمد پور سیال نے دونوں نعشیں قبضہ میں لے کر کارروائی شروع کر دی ہے۔