مستونگ دھماکے کا ایک اورزخمی چل بسا، تعداد 150ہو گئی
کوئٹہ (بیورو رپورٹ) خاران اور واشک کی سرحد پر فورسز کا سرچ آپریشن فائرنگ کے تبادلے میں دو شرپسند ہلاک، سکیورٹی فورسز کے ذرائع کے مطابق سرچ آپریشن کے دوران فورسز اور شرپسندوں کے درمیان فائرنگ کا تبادلہ ہوا، دو شرپسند مارے گئے جبکہ شرپسندوں کا تیسرا ساتھی فرار ہوگیا سیکورٹی ذرائع کے مطابق مارے گئے شرپسندوں کے قبضے سے اسلحہ اور گولہ بارود بھی برآمد کرلیاگیا۔ مستونگ خودکش دھماکے میں زخمی ہونے والا ایک اور نوجوان زخموں کی تاب نہ لاتے ہوئے چل بسا، شہدائکی تعداد 150 ہوگئی۔ ڈپٹی کمشنر مستونگ کے مطابق پی بی 58 کے امیدوار سراج رئیسانی انتخابی مہم کے سلسلے میں جلسہ گاہ پہنچے تھے کہ وہاں دھماکہ ہوگیا۔
