ملتان (سپیشل رپورٹر) مسلم لیگ ن کے مرکزی رہنما میاں شہباز شریف نے ہفتہ کے روز ملتان میں جلسہ عام سے خطاب کرنا تھا تاہم وہ آج سندھ اور کراچی کا دورہ کر رہے ہیں ان کے دورہ سندھ کے باعث ملتان میں ان کا دورہ ایک روز کے لئے التواءکا شکار ہو گیا ضلعی صدر مسلم لیگ ن محمد بلال بٹ نے اس بابت میڈیا سے بات چیت کرتے ہوئے آگاہ کیا ہے کہ جلسہ کو صرف ایک روز کے لئے ملتوی کر دیا گیا اب جلسہ 21 کی بجائے 22 جولائی کو منعقد ہو گا جلسہ قاسم پور فٹبال سٹیڈیم میں ہی منعقد ہو گا اس سلسلہ میں ایک ہفتہ قبل انتظامیہ کو جلسہ کے انعقاد کی درخواست بھی دیدی تھی مگر اب چانک انتظامیہ نے جلسہ کو وہاں منعقد کرانے سے روک دیا ہے یہ سراسر زیادتی ہے ہم جلسہ ہر صورت قاسم پور سٹیڈیم ہی میں منعقد کریں گے۔