ملتان (لیڈی رپورٹر) ملتان قلعہ کہنہ قاسم باغ میں پاکستان تحریک انصاف کے جلسہ ہونے سے پہلے شدید بارش کے باعث انتظامات بُری طرح متاثر ہو گئے جلسہ گاہ میں پانی کھڑا ہونے سے لگائی گئی کرسیاں پانی میں تیرنے لگیں‘ پی ٹی آئی کی ممبر خواتین کی بڑی تعداد کا کہنا تھا کہ گیلی کرسیوں پر بیٹھنا جہاں محال ہو گا وہاں پانی کی وجہ سے پھسلن پیدا ہو چکی ہے جس پر خواتین شدید پریشان رہیں۔ ملتان میں تحریک انصاف کے چیئرمین عمران خان کے تصاویر کے پینافلکس پر نامعلوم افراد نے سیاہی پھینک دی۔ تفصیلات کے مطابق جمعہ کے روز ملتان میں تحریک انصاف کے پاور شو سے قبل قاسم باغ سٹیڈیم کے باہر نامعلوم افراد نے عمران خان کے پینا فلکس پر سیاہی پھینک دی جس پر پی ٹی آئی کارکنوں نے دیگر جماعتوں کے خلاف نعرے بازی کی۔