لاس اینجلس (اے ایف پی+ آئی این پی) امریکی شہر لاس اینجلس کی سپرمارکیٹ میں ایک مسلح شخص نے خاتون کو فائرنگ کرکے ہلاک اور درجنوں افراد کو یرغمال بنا لیا تاہم 3 گھنٹے بعد پولیس کے سامنے ہتھیار ڈال دیئے،اتوار کو غیر ملکی میڈ یا کے مطا بق یرغمال افراد میں سے کسی کو شدید چوٹ نہیں آئی۔ پولیس کا کہنا تھا کہ مسلح شخص نے اپنی دادی پر 7 گولیاں برسائیں اور دوسری خاتون بھی زخمی ہوئیں جنھیں وہ کار میں زبردستی سوار کر رہے تھے۔ مارکیٹ میں موجود افراد میں خوف وہراس پھیل گیا، متعدد افراد کھڑکیاں پھلانگ کر باہر آگئے۔ مسلسل 3 گھنٹے کے محاصرے کے بعد مسلح شخص نے ہتھکڑی پہننے کی حامی بھری اور باہر نکل آیا جن کو چاروں یرغمالیوں نے گھیرا ہوا تھا۔ خاتون کی ہلاکت پر افسوس کا اظہار کیا، سپر مارکیٹ میں فائرنگ کے وقت 91 سالہ ڈون کوہلز بھی تھے جو وہاں قریب رہائش پذیر ہیں، سپرمارکیٹ جاتے ہوئے انھوں نے دیکھا کہ پولیس کی دو گاڑیوں اس طرف آرہی ہیں اور مشتبہ شخص نے کھمبے کو ٹکر مار دی، ان کا کہنا تھا کہ گاڑی کا ڈرائیور باہر نکلا تو پولیس نے فائرنگ کی، پولیس نے واقعے کے محرکات کے حوالے سے آگاہ نہیں کیا۔ صدر ٹرمپ نے ٹویٹر پر کہا میں نے صورتحال کا قریب سے جائزہ لیا ہے۔