نیویارک (نیٹ نیوز) امریکی جیل میں قید ممبئی حملوں کا منصوبہ ساز ڈیوڈ ہیڈلے ساتھی قیدیوں کے حملے میں شدید زخمی ہوگیاہے۔ بھارتی میڈیا کے مطابق شکاگو کے میٹرو پولیٹن کریکشنل سینٹر میں قید ڈیوڈ ہیڈلے پر 8 جولائی کو 2 ساتھی قیدیوں نے حملہ کیا تھا۔ ہیڈلے کو آئی سی یو میں داخل کیا گیا جہاں وہ زیر نگہداشت ہے۔ واضح رہے کہ ڈیوڈ ہیڈلے امریکی جیل میں ممبئی حملوں میں شدت پسندوں سے رابطوں کے جرم میں 35برس کی سزا کاٹ رہے ہیں۔